Job 20

1 Di, Sofar tahal Namah misepin mi Siob bit,

2 “!Siob, xouk di osak ni nou ieok mikat tova tang!
Nasakras mun nata votei. Taxeak, nisa rilomun ni sepinien nam xil.

4 Okil kuhi mak xa melele xil tetiamu,
melele xa Hi miling rohon ni moletin xil lateti e ut etan mei duxoh xosali,
5 moletin tesa xil, di lalonge bos te melengien vahis tang,
e sien na ngan xil xa di lapol misa ikesae vatei takes.

27 Ngan xil xa ladi ut nesao ti lihit rat tesaen nae xil,
e ngan xil te ut etan ti liso sepinien iha xat xil.
28 E melengien xa Hi ilepis moletin xil en,
ekaten nan ixoni oei tei xa eilep xa mei itaveas rat holesok xil vus nae iha.
29 Ngan ak iaxa istal mi ngan xil xa di lapol misa,
e ihe hoxalite te meulien nae xa Hi tehit xati mi xil.